Pek é gɔ gɔɔ́ tɛ ntémne á ntē mba Afhō,

Ńcúʼté ewɔŋkhʉ̄ pīi, ḿpek é le lɔ̄k ndhʉ Afhō.

Ŋgɔŋ Afhō é si ŋgɔ́ ŋgɔŋ esī.

Ŋiŋ a tshíɛ ntaŋ Afhō,

Mbɔ a a fú aleʼe ékwhʉ̄.

Ŋiŋ yīi, a le tshí Afhō zék jʉɔ,

A le lɔ̄k anulene tɛ́ ntshí.

Ndém a a ké efu etsa á wék,

Épiŋ etswii á wék nzhɛ anuúne.

Pek é gɔ á ntē Afhō,

Ḿbɔ́ŋ ndaʼ taʼ anu :

Mɛ́ efú aleʼé ekwhʉ́,

Akɔ̄ á ke ŋghʉ̄, Ndém mé ewú.

Efɔ Ŋguʼajʉɔ a le kwhʉ́ á athū alaʼ zí,

Páʼ Yɛɛ́so Klisto a le kwhʉ́ á athū epuɔ menɔŋ.

Mía mía awuʼte, ánɛ lezēŋ tsí, mɛ́ efú ezóko ezhɛ ɛ́.

Pek é gɔ á ntē Afhō,

Ḿbɔ́ŋ ndaʼ taʼ anu :

Mɛ́ efú aleʼé ekwhʉ́,

Akɔ̄ á ke ŋghʉ̄, Ndém mé ewú.                      ( Ŋgʉɔ  mbia)

Afhō Efɔ Ndɔŋ-Megaŋ, mɛ́zhí á wek éwú.                                             

Pek wuꞌte á Ndém yīi, a le ghʉ mɛ́ zhí á wék á Afhō.

Pek esyákne á Ndém yīi, a le ghʉ mɛ́ zhí á wék á Afhō.